Sunday, January 23, 2005

Untuk adinda-adinda yang berada di benua batu

Assalamualikum adinda-adinda ku yang di hujung jungkar. Minta maaf minta ampun di hari mulia ani, entry ani banar-banar untuk kamu bedua. Bukan pulang ku kan mengala-alakan apa yang kami nikmati di Aidiladha dinegara kitani yang tercinta ani, jauh sekali kan bagi kamu kepunan, ganya sekadar berkongsi bersama apa yang kami rasa, haha. Nya Abdul Wahub 'cium bau saja dah kenyang...'. Ikut tia dulu philosophy nya atu, lagipun ku dangar jua kamu bedua ani mengikat parut, so biar tia kami di hutan tropika ani menjadi karung guni.. dapat jua pakai menyarung nangka Buing yang labat dibelakang rumah atu(haha sorry T terpaksa ku sabut kabun babu mu).

G.. T.. yang ku liatkan ani separuh ganya daripada menu yang ada malam atu, my best friend ani abis nyawa tia jua.. inda tah ku dapat menggambar makanan yang memang juntrah atu. Chargernya tinggal diofis lapas ku membuat projek sukarela ku atu. Sampai si Ryn berkicau mengapa ku inda menyediakan extra meja, 'tau sudah rumah mu ani.. kalau behapa-hapa banyak nindah nada kan tampat menaruh, lain kali sediakan meja labih basar..' nya-nya. Entah lah labu... Karang ku sediakan meja nada benindah, inda jua bisai kali mun ganya bungangku teharuk-haruk jadi masterpiece.. hahak.. lagipun blueberry cheese cake ku pun tinggal balak. Kan membuat cheese cake strawberry, tinggal ingredientnya diatas meja, inda tekabir kan membuat lagi. Lalai bekusut dengan Leyinah siang atu. Sampai ia tegugur dikerusi dapor, luan kan menunujukan kepandaiannya meniang meja. Bincut dahi nya, riuh lagi babahnya rah ku.. mendera anak.. lapas sudah dua hari yang lapas kana gigit kedua-dua belah tangannya oleh Lutfan. Inda ku dapat membayangkan apa usul Leyinah kana anggus oleh pirana atu. Amah ani lagi buat de'.. jer.. Ujung-ujungnya abis Leyinah ani karang ijau biru oleh Lutfan. Entah apa kah dijealouskan nya rah adinya atu. Ada sekali atu, ia betanya 'bu.. kenapa baby putih banyak atu... Lutfan putih sikit saja..' tekidum jua ku mendangar. Sampai abis two-way cake kose ku ancur dikarjakanya, seluruh badannya dibadakinya... hemmm... pakal ganya.

Dibawah ani iatah apa yang sampat ku rakamkan untuk kamu bedua. Orang sebalah atu biasanya sibuk ia tekibit-kibit membawa video-cam nya, maklum kan capture orang sedang mengunyah saja krajanya.. Tapi malam atu nada ia membawa.. sudah tah datang nya sebelum subuh.. tehuyung hayang ku nyediakan nindah. Mana lagi menggiring anak ku yang genis atu... Allah kasiiiiiiiiiiiim. Baik jua inda keraja.. cuti, kalau inda ganap dua...

Patnag atu piar-piaran ku memasak, masak kung fu tah ganya, main labok jer... Alhamdulillah siap jua table ku set pukol 5 patang atu. Terpaksa tah ku mengidangkan kek yang macam ku buat sendiri... sampai Mimit Biah minta resipi kek chocolate fudge ku atu hahak... Apanah ku unjuk bakas pack Sara Lee uhuk..uhuk.. Tipah tertipu.. tertipu Tipah.... T ur mom bagi kek tapi inda sampat ku menserve fasal tampat indada lagi kan menaruh, lakat tia dalam esbok. Amit Gayah bawa Cheese tart, cukup dengan codenya creative; B=Blueberry n K=Kiwi dilukisnya atas tart atu.. haha good hints. Amit Biah bawa daging masak pendang n special bubur yam mixed with durian kuning n durian putih.. ehmmmm yummy licin tinggal mangkok(Iatah ganya yang dapat ku makan dimalam tu, yang lain-lain inda temasuk luan kengalihan, sabal parut). Miming bawa kek marble panuh secontainer sampai orang sebalah pun ampit ku antati tadi pagi. Bungsu Noriah bawah ardam and rangin.. ehmmm tadi pagi baru jua ku merasai.. nyaman panas-panas(reheat dioven hehehe). Tangah Milah bawakan biskut cornflake ranggup bermadu , rambutan n langsat. Sampai ada seorang atu takut ia habis dimasukannya dalam pokit haha.. takanang ku pulang kan anaknya beraya rah orang, mengimpunkan gula-gula dalam pokit... (sorry sis...)

Bah liat tah hidangan yang melambak ani, tebalik pusat makan(perambahan bapa haha..)

7 comments:

Anonymous said...

Terima kasih kekanda, adinda cukup sukur dengan ambil bau saja he he. Maintain! Anyway, nda jua panuh meja atu, half of it because of cawan and piring, ketarakah?

Anonymous said...

Waalaikumsalam~~ Ai.. *nyum* *nyum* usulnya~~~ terima kasih kerana berkongsi perasaan yang biskita rasa~ *sob* Anie ka cnah..usul2nya..nanti ku balik.. macam2 tah nie ku minta buatkan arah kita nie~~~ ahuKs2.. ku list nie semua yang kita pamerkan..the blueberry cheesecake on top of the list~~ ahuks2.. he he he.. kalau si hakeem mengulum the cake.. gaurentee nyaman berabis tu ka cnah~~ salnya setahuku si hakeem inda berapa suka makan kek.. ahuks2...

Anonymous said...

nada banar tu cHakeem mengulum kek atu, kalau banar mana buktinya kanda? Mmmm terpaksa pulang ku mengeluarkan kek buah yang telah sekian lama difridge, mana tia teh tarik ani? oooop kadai lingka nada sini ani, terpaksa tah 3 in 1 saja

Nina Suria said...

Haha fasal awal atu lamat riuh aku naruh pinggan arah table ikea yang beinggut atu, kaki meja atu, satu inda dpt di fixed.. takut runtuh sayang.. so dish yang lain-lain betempiaran tah... Malas lagi kan memindah piring2 yg sdh besusun atu.. indada betangan... Allah kasssim.. adinda ku yang ku harap2 kan awal datang atu sampai macam jemputan uhuk..uhuk.. Tapi alham.. jua membuat ia pickles, sop tulang yang lembut(telapas udah dr tulangnya) n bread pudding(yummy tadi pagi baru kami makan)

Nina Suria said...

P/s (Hakem)Haha.. ok ada witness ku shamudin, wafi n nisa diaorang yang berabut.. ciannya. Guilty ku pulang bagi left-over atu uhuk..uhuk..

RYN
Sorry sis lupa ku nyabut sop tulang yang kau empukan sampai lembut and spiced by sis Minah(orang inda begigi pun dapat menikmati). Pickles and bread pudding mu yang yummy, baru tadi pagi jadi breakfast kami hehehe. Terima kaseh daun keladi, malam jumat ani labihkan lagi..

Anonymous said...

Untuk anakanda Lutfan kalau mau putih banyak, pakai lah bedak sajuk, jangan main gigit gigit tak sesuai gitu..

aHaDa said...

salam kak nina... terliur tengok juadah utk kenduri tahlil tu.. i guess kalu akak buka blog about culinary arts n receipe mesti hot punya... :)