Pulang kaaaaaaaaaaaaaan

Dimalam kami rah rumah Tangah ada baca doa selamat pas Tangah laki keluar hospital.. labih seminggu ia dihospital inda ku telawat.. doi malai ku.. kesian.. Tangah atu jasanya dikanang jua.. masa babu dulu sakit bebulan- bulan dihospital, kan ari-ari ia turun naik laki bini melawat... Tapi........... sudah ia sakit nada ku tejanguk... Bukan pulang apa... mun sudah berabut-rabut atu inda takanang bah kan orang sakit ani... bukan disengajakan... minta maaf saja... sudah ku cuti ani tah karang ku bedudun rah kita (entah ada entah inda... janji pasu????)

Dami ku masuk rumahnya ada sejambak bunga lili warna peach o kalau orang lain meliat warna oren.. diatas dinner tablenya.. hemmmmmmm inda abis-abis mata ku ani.. bunga jua dulu yang ku spot.. kalah idangan yang kana sajikan atas meja atu. Baca doa selamat pun dimulakan dalam pukol 8:10 kali ah.. Abis doa biasalah menjamu selera... macam-macam pulang nindahnya atu; ada sate, kari ayam, gulaian pucuk, talur masin, sambal, jaruk mangga campur samboi, lauk goring, acar buah, lain lagi kueh-kuehan, segala dodol, kek buah, kek lapis, biskut coklat, kueh mor, eh.. macam-macam lagi. Tau tah mun tangah bahapa-hapa mesti panuh meja nindahnya... inda tantu kan dimakan pulang.. Mana lagi nasi beryani labuk yang ku bawa tadi ( I called it nasi beryani labuk pasal nindahnya ku labuk-labukan saja). Nasi atu lagi kegigian inda kuat apinya takut ku angus... lagipun begaggas takut ahir... tapi sudah batah-batah nunggu orang abis baca doa atu... ok jualah masak jua oleh wap panas atu...

Aku menulis cerita ani actually bukan pulang pasal majlis baca doa selamat tangah yang juntrah makananya ani.. tapi ada inti-pati yang labih mengundang rasa sakit ati.. padih.. meluat.. garam.. dandam.. bagabung jadi satu. Nyaorang macam bisul bah.. sudah tah bangkak kemerah-merahan kalau dicucuk tarus melapus bah nanah atu... beprancitan....

Iatah yang ku rasakan malam atu.. alum ku meluahkan rasa grigritan ku ani.. lum dapat ku benapas rasanya.. menyanak didada..

Ku sambung lagi balik cerita ku diatas ani....

Dalam mananti orang ngaut nindah kan makan ani.. menggamit amit kediaku.. 'na amah babu mu betanya rah ku... bila ia diantar pulang.. dibilangin saya mau dihantar pulang.. tapi ngak jugak dipulangin.. malahan dibawa terus kerimba...' amit meniru cakap amah babu tu..

Bila ku mendangar ia becakap cematu atu apalagi.. its really make my blood go upstairs you know... and it was not the first time she complain that I was cheated her.. before that she also complained to my hubby.. to my father.. to my bro.. and again to my aunt.. mana inda ku naik angin...

Dorang bawa makan pun ku lengah-lengah kan.. sabal parut oleh olah amah ani. Lakat lagi meruap-ruap rasanya. Macam gunung berapi kan mengeluarkan laharnya.. begagar dunia.

Sudah kamas makan, masuk tah ku ke dapor.. cari amah babu ani apa lagi.. tarus tah ku cakapi inda dapat ku tahan-tahan lagi.. melatup. Inda ku peduli semua orang sama amah-amah yang ada didapor atu.. tau ta diaorang sapa kan aku tu...

Mana inda ku panas ati ah.. sudah tah ku capnya ngalakari ia, pas atu capnya lagi aku nyeksa ia bekaraja siang malam sampai sakit badan 'aduh bu.. abis sakit badan saya.. peggal-peggal. Kalau mau makan susah.. ngak bisa makan' nya-nya. Bila masa ku nyeksa ia ani.. inda bagi makan.. au mun dirumah ku atu lum pernah ku ngunci almari- esbok, mun kan makan, makan tah, muntah beria kali nya orang.. cina-kaling lagi disadakahi... freezer ku yang panuh bekalan makan sebulan atu pun inda ku mengunci.. ku simpan lagi diluar rah garage.. mun orang jahat datang dapat diangkut nya sama-sama freezer sekali.. mun ganya mangkanan ani doi malai ku.. juntrah.. bukan pulang ku ambong.. yang banar nya. Mun peradian ku pun pandai.. manggil aku gelaran DORAEMON . Tau biskita kali ah katun Doraemon yang tedapat beg sakti atu.. apa saja ada meluah-luah... dari dalam beg nya tu.. Cematu tah dorang ibaratkan kediaku tu... (walaupun ati inda berkenan dengan gelaran yang dianugerahkan atu). Maaf sis.. bro.. I mention all these..

Dalam ku riuh-riuh ngurapaki ia tu.. amah ani tarus tah nangis ruhung-ruhung 'saya mau pulang.. mau pulang.. mau pulaaaaang.. ' uhuk..uhuk..uhuk. Pa lagi makin ku lagi hot.. ku liat muanya tu damiiiiit macam basar tikus ganya, rasa kan ku talan bah..

'Bah mun kau kan balik walaupun malam ani aku membalikan kau...' nyang ku. Ilang rasa kasian ku kan ia atu lagi.. even kebaikan yang ia menjaga babu masa sakit selama setaun atu pun entah tepelanting kemana.. jung sapuh kali..

Yang nampak dimata ku.. ia ani ular basar berbisa yang kan membelit kediaku, mana lagi perangai vacum cleaner nya sudah makin ketara dimata ku kebelakangan ani... ujung-ujung nya abis langis nindah kami di vacum nya..

Lapas ku meluahkan rasa yang tebuku didada atu, ku cuba bawa bertenang meliat bung-bungahan di beranda belakang rumah tangah atu. Masa ani lilinya bebunga.. mengumamba..

Inda jua nyaman ati ku ani.. aku pun mencari my cousin's wife(she's ticketing) and asked her to buy me the amah's ticket ASAP.. kalau ada subuh lagi baik... lapas bala.

Dalam kepala ku mana saja tah karang.. pabaik tah indada orang kan jaga my baby Leynah.. ku bawa saja ke ofis kah karang... Sanak ku sudah...

Then last nite I cant sleep.. not even an hour.. my mind was packed.. thinking of that monster creeping inside my house..

She was make me difficult on the first place.... actually, it was a v.complicated story... really.. really complicated.. I just make it short. She will be going home for a month-break, a week after hari raya. That was our promise. And I did book her return ticket n it was confirmed on 20th nov she will be going home ..

But...

5 hari lagi kan raya atu aku kan ambil tiket nya ani, ku tanya lagi sekali rah amah babu ni.. just to make sure (I always keep repeating this same question to her.. nyaorang bibiran.. bebuyah langir) She ans me confidently 'Ya Bu' . Then I said 'bah tiket mu ani kau bayar separuh... nanti kau datang balik kesini ibu bayar balik wang mu'. Actually aku atu saja testing amah babu ani... Sekali dijawab nya apa nah.. ' biar saja bu.. saya terus pulang saja..'. Mesti andang awal sudah diplannya ni.. betuah beuntung punya amah.

Hemmmmm lagi tambah satu penyakit.. kan masa atu kan ampir raya sudah, mana ada biodata amah datang.. kan cari amah sementara ani.. bukannya nada.. ada tapi aku ani jenis sanisah huri.. prefer tah ku amah yang tani pilih-pilih pakai biodata atu.. at least tau tani history nya..

Then pukol 11 my cousin's wife called me the ticket was confirmed. The flight was 9p.m. Alhamdulillah.. mudah-mudahan tah indahada pa-pa yang akan berlaku lagi...