Selamat Tahun Baru 1426Hijrah

Dimalam kami celeberate birthday Liyana yang ke 12 tahun di Tenaga restaurant dengan hidangan nasi beriyani kambing dan beriyani Maharani ayam. Masa parut lapar atu apa saja yang datang dulu ia tah dibedal. Maklum pukol 9malam baru makanan sampai dimeja. Padahal awal sudah buat reservation. Kesian birthday nya ni nada kek hari jadi.. Ku suruh Ryn menyimbatkan cake besday, rupa-rupanya kadai tutup awal fasal cina sibok makan besar menyambut malam chinese new year. Mana kan jua babah nya plan sudah ampir maghrib. Inda sampat kan melawat cake house. Actually besday nya ari ani pulang. Fasal babahnya kan keraja out-station esok paginya, so a day advance lah.

Lagi pun aku inda jua berapa sehat, selesema. Mata ku lagi gatal merah belaing. Baby pun sama jua selesema batuk. Baik jua awal sudah ku membali hadiah harijadi anak ku ani. Babah nya pun sama jua prepare awal; 2 days before her birthday. Maka besday girl ani menyambut tanpa ada sepotong kek pun.. sedeh nya.

Seharian ani tidur ku memanjang, nyaman rasanya baulit sama Leynah. Inda ku terasa dari kul 9pagi kami tidur bedua sampai pukol 3patang baru tejaga. Mun Lutfan balik-balik ngacau kami tidur ani kan membawa ke kampong arah nini nya Bunut. Inda jua ku peduli barat mata ku kan dibuka. Maklum makan ubat actified co linctus. Anyut eh.. baik jua ari cuti. Kali terakhir Lutfan menginggut aku, patang sudah; 'babu.. jadi jalan ani kah.. jam panjang arah 12 jam pendek arah 3..' hah.. pukol 3 sudahhh. Tarus ku bungkas mandi. Siap mandi bejalan tah tarus arah nini nya ani.

Sampai di rumah nininya bepanyap nindah keluar kedalam. Maklum semua laki-laki penghuninya, berseh lah rumah. Dalam ku sibuk manyap-manyap ani, bapa gapa-gapa turun dengan jubah sembahyangnya. Hairan ku jua ia awal kan ke masjid ani baru kan pukol 6patang. 15minit kemudian berkumandang tah suara imam membaca-baca.. oooh astaga... maal hijrah banar ah... Laju ku mengambau anak ku Lutfi sama Liyana, suruh ke masjid. Rugi jua rasanya inda ku dapat berimam kemasjid bersama-sama diaorang, memang sudah kejadian alam. Tapi alhamdulillah ampit jua ku mendangar doa akhir dan awal tahun hijrah dari alat pembesar suara masjid kampong kami. Nya orang ia tah rahmatnya berumah siring masjid ani, inda banyak sedikit ampit jua.

Siap kami makan malam tarus tah ku belajau ke Mall di gadong, mencari K-fiber laki ku minta balikan. Punya ramai orang membali-bali, perasahan ku macam hari raya puasa. Kereta lagi beingsut.. jammed. Lapas atu balik pukol 9.15pm, tarus lagi arah buing, menyubuk nini. Kesian inda ku telasut melawat ia. Rupanya dua hari sudah ia keluar hospital. Sampai ku temimpi-mimpi kan kedia ani menakul aku. Dalam ati ku mesti nini begulindang mencari kadiaku inda tambus-tambus melawat kedidia. Minta maaf minta ampun Ni.. macam-macam kan digaggau kan atu..

Bersempena tahun baru hijrah ani, ku ucapkan semua umat islam di dunia dan pengunjung-pengunjung blog ku ani Selamat menyambut tahun baru hijrah 1426. Dan diharap peristiwa TSUNAMI ni akan lebih meningkatkan ketaatan kita kepada Allah.. dan memberi kesedaran kita jua..